Messi tarixiy rekordga yaqin turibdi

“Barselona” hujumchisi Lionel Messi tarixiy rekordni zabt etish ostonasida turibdi, deya xabar bermoqda Ole.

Nashr xabariga ko'ra, argentinalik futbolchi La Liga to'purari uchun beriladigan sovrin – “Pichichi”ni eng ko'p qo'lga kiritgan futbolchi sifatida tarixga kirishi mumkin. Ayni paytda Messi olti marta (2010, 2012, 2013, 2017, 2018, 2019) Ispaniyada eng yaxshi to'purar deya etirof etilgan. Xuddi shunday Telmo Zara ham olti bor (1945, 1946, 1947, 1950, 1951, 1953) ushbu sovringa ega chiqqan.

Ayni paytda Messiga ushbu sovrin uchun kurashda “Real”ning franciyalik hujumchisi Karim Benzema raqobat qilmoqda. Messi 23 goli bilan bu yilgi to'purarlar bahsida karvonboshilik qilayotgan bo'lsa, Benzema hisobida 21 gol mavjud.

Ispaniya chempionatining so'nggi turida “Barselona” “Alaves” bilan kuch sinashsa, “Real” “Leganes” bilan bahs olib boradi.