Ramos va Marselo "Real" safida 22-sovrinni qo'lga kiritishdi. Xentoning rekordiga bir qadam qoldi

"Real Madrid" rasman La Liganing 2019/20-yilgi mavsum chempioniga aylandi.

Ushbu sovrin himoyachilar Marselo va Serxio Ramos uchun "Qirollik klubi" safidagi 22-kubok bo'ldi (5 bor Ispaniya chempioni, 4 marta ECHL g'olibi, 2 marta Ispaniya Kubogi egasi, 4 martadan Ispaniya Superkubogi va klublar o'rtasida jahon chempioni va 3 marta Evropa Superkubogi sohibi).

Bu ko'rsatkich bo'yicha ular madridliklarning sobiq himoyachisi Manolo Sanchis (22 kubok) bilan endilikda ikkinchi pog'onani bo'lishib turishibdi. Ulardan faqatgina Fransisko Xento ko'proq (23) titul yutgan.