Yuklab olish«Real» bosh murabbiyi Zayniddin Zidan Ispaniya chempionatining 35-turi doirasida «Alaves»ga qarshi bo'lib o'tgan o'yin (2:0) borasida o'z fikrini bildirib o'tdi.
«Hozirgi paytda haqiqatan ham kam gol o'tkazib yuboryapmiz. Umuman gol o'tkazib yubormaslikning imkoni yo'q. Shunday ruhda davom etishimiz kerak. Bizda yaxshi formaga kirgan Kurtua bor. Jamoa juda kam gol o'tkazmoqda. Jamoa toliqib qolganini bugun sezmadim, hujumda yaxshi harakat qildik.
Benzema? Birinchi bo'lim so'ngida zarba qabul qilgani uchun biroz boshi aylandi, lekin hammasi joyida.
Agar hakam so'nggi 3ta o'yinda 3ta penalti qo'ygan ekan, demak, penalti bor. Mendi yaxshi harakatni amalga oshirdi, bor gap shu. Eng muhimi — gol urish. Qanday gol urishning ahamiyati yo'q.
Biz chempionatda g'oliblik uchun kurash olib boryapmiz. Mavsum oxirigacha 3ta o'yin qoldi. Bu uchrashuvlarda qanday voqea ro'y berishini bilmayman. Hozir esa biroz dam olishimiz kerak. Aslida esa g'alaba — eng yaxshi dam», — dedi Zidan.
Online
Bosh sahifaga