Azar navbatdagi uchrashuvni o'tkazib yuborishga yaqin, uning sog'lig'ida muammolar bor

“Real” azosi Eden Azar oyog'ining to'piq qismida og'riq sezmoqda.

Bu 28 iyun kuni La Liga 32-turi doirasida bo'lib o'tgan “Espanol”ga qarshi uchrashuvdagi raqiblar bilan to'qnashuvlar natijasida kelib chiqqan.

Seshanbada Azar madridliklarning qolgan o'yinchilari bilan mashqlarda ishtirok etgan. Biroq, guruhlarga bo'lingan holda o'yin boshlangandan keyin u sheriklarini tark etdi. 

Eden katta ehtimol bilan “Alaves”ga qarshi kelayotgan juma kuni bo'lib o'tadigan bahsda ham qatnasholmasligi kutilmoqda. Avvalroq, u "Xetafe" bilan o'tgan o'yinda ham ishtirok etolmagandi.