"Barsa" prezidenti: "VAR adolatsiz ishlatilmoqda. Restartdan so'ng kimningdir foydasiga, kimningdir zarariga qarorlar chiqarilmoqda"

"Barselona" prezidenti Jozep Bartomeu yana VAR haqida o'z fikrlarini bildirdi.

"Men VAR tarafdaman. Oldin aytganimdek, hozir tizim adolatsiz ishlamoqda. Restartdan so'ng kimningdir foydasiga, kimningdir zarariga qarorlar chiqarilmoqda. Men buni butun dunyoda ko'rmoqdaman.

Bu tanqid emas, men shunchaki VAR'ning yaxshiroq bo'lishini xohlayman. Men hali ham VAR'ning tarafdoriman, uning himoyachisiman va bu texnologiya bizga yordam berishi mumkin.

Rubiales menga qo'ng'iroq qilmadi, ammo u hech narsa demadi. Men u bilan bu haqda gaplashdim va u ham VAR'ni qo'llab-quvvatlaydi", - deydi Bartomeu.