Zidan: “Hakamlar yordami bilan yutayotganimizni eshitishdan charchadim”

Ispaniya chempionati 30-turidan o'rin olgan “Atletik” – “Real” (0:1) bahsidan keyin mehmonlar ustozi Zinedin Zidan o'z fikrlari bilan o'rtoqlashdi.

“Hakamlar yordami bilan yutayotganimizni eshitishdan charchadim. O'zgarmayman, ammo futbolchilar hurmatga loyiq. Maqsad sari intilishimizga esa hech kim to'sqinlik qilolmaydi. Biroq, matematik tarafdan chempion bo'lmagan ekanmiz, bo'shashishga va titul haqida o'ylashga haqqimiz yo'q. Bu yuqori shiddatli o'yinda qo'lga kiritilgan juda muhim g'alabadir”, deya qayd etgan Zidan.