"Real" La Liga yoki ECHLda g'alaba qozonsa...

Madridning "Real" klubi futbolchilari va murabbiylar shtabi jamoa La Liga yoki CHempionlar Ligasi turnirlarida zafar quchgan taqdirda hech qanday bonus to'lovlarini olishmaydi.

Koronavirus tarqalganidan keyin ular bilan ish haqini 10 foizga qisqartirish va musobaqalardagi g'oliblik uchun to'lanadigan bonus pullaridan vrz kechish borasida kelishib olingan, deb xabar qildi Marca.

Bu shartlarni Serxio Ramos boshchiligidagi futbolchilar ham qabul qilishgan, chunki ular koronavirus pandemiyasi davridagi moliyaviy inqiroz holatidan xabardorlar.

Malumot uchun, "qirollik klubi" La Liga 33-turidan keyin turnir peshqadami bo'lib turibdi. Ikkinchi o'rindagi "Barselona" bilan oradagi farq 6 ochkoni tashkil qiladi.