Zidan Messining "Barsa"dan ketishi haqida: "Umid qilamizki, u qoladi. La Ligada eng zo'rlari o'ynashini xohlaymiz"

"Real" bosh murabbiyi Zinedin Zidan "Barselona" hujumchisi Lionel Messining jamoadan ketishi mumkinligiga izoh berdi.

"Nima bo'lishini bilmayman, ammo biz umid qilamizki, u qoladi, chunki Messi shu chempionatda o'ynaydi. Biz La Ligada eng zo'rlari o'ynashini xohlaymiz", - deydi Zidan.

Oldinroq, 33 yoshli argentinalik futbolchining 2021 yilda "Barselona"dan ketishi mumkinligi aytilgan edi.

Messi joriy mavsum Ispaniya chempionati doirasidagi 28ta o'yinda maydonga tushib, 22ta gol va 18ta assist qayd etdi.