Seten: “O'z ishimizni qildik, endi “Real”ni kuzatamiz”

“Barselona” ustozi Kike Seten “Atletik” (1:0) bilan o'yindan keyin o'z fikrlari bilan o'rtoqlashdi.

“G'alaba qozonishimiz zarur edi. Xatolarimiz qancha kam bo'lsa, shuncha yaxshi. Uch ochkolik bo'ldik, endi “Real” qanday o'ynashini ko'ramiz.

Raqiblar haqida o'ylamaymiz. Ishlashimiz kerak bo'lgan jabhalar bor, ammo oldinga optimistik ruxda qaramoqdamiz”, deydi mutaxassis.

Eslatib o'tamiz, La Liga chempionligi uchun kurashayotgan “Real” 25 iyunga o'tar kechasi, soat 01:00da “Malorka”ga qarshi bahs olib boradi.