Yuklab olish«Real» bosh murabbiyi Zinedin Zidan «Barselona» himoyachisi Xerard Pikening gaplariga munosabat bildirdi.
Eslatib o'tamiz, katalonlarning «Sevilya»ga qarshi o'yinidan so'ng Pike hakamlar «Real»ga yordam berishi haqida gapirgandi.
«Meni faqat «Real Sosedad»ga qarshi kechadigan o'yin qiziqtirmoqda. Mening o'z fikrim bor va uni o'zimda qoldiraman. Har kim o'zicha o'ylaydi. Biz faqat ertangi (bugungi) o'yin haqida o'ylayapmiz, chunki bu hozirda ahamiyatga ega yagona narsa. Hammasini maydonda isbotlamoqchimiz.
Borim shu. O'zim yoqtiradigan ishni qila olaman, bu borada omadim chopgan, har kim ham bunday deya olmaydi. Ko'plab odamlar kabi shikoyat qilishim mumkin, biroq murabbiy sifatida emas, bu hech narsani o'zgartirmaydi.
Pozitiv kayfiyatni saqlashga va bor e'tiborimni ishga qaratishga harakat qilaman. Hakamlar bizga boshqacha yondashmaydi. Gap tamom! Bu borada boshqa hech narsa deyishni xohlamayman», — deydi Zidan.
Online
Bosh sahifaga