Modrich: "Real" Ronalduning xarakteri va gollarini sog'inadi"

"Real" yarim himoyachisi Luka Modrich 2018 yilning yozida "Yuventus"ga o'tib ketgan Krishtianu Ronaldu haqida gapirdi.

"Ronaldu - futbol tarixidagi eng kuchli futbolchilardan biridir. "Real" uning gollari va xarakterini sog'inadi. Krishtianu doim g'alaba qozonishni xohlaydi. U bizga ilhom berardi.

Ronaldu inson sifatida 10 ballga loyiq. Unda ajoyib qalb bor va u yordamga muhtojlarga ko'maklashishga doim tayyor", - deydi Modrich.

Eslatib o'tamiz, Krishtianu Ronaldu faoliyati davomida 5 bor "Oltin to'p" sovrinini yutgan.