Ramos La Ligada 67-golini urib, Kuman bilan tenglashdi

“Real” himoyachisi Serxio Ramos La Liganing 28-turi doirasida “Eybar”ga qarshi bellashuvda jamoasining ikkinchi goliga mualliflik qildi.

Bu qirolllik klubi sardorining Ispani chempionati doirasida kiritgan 67-goli bo'ldi.

34 yoshli Ramos bu borada “Barselona”ning sobiq futbolchisi Ronald Kumanga etib oldi va to'purar himoyachilar ro'yxatida ushbu ikkala futbolchi qo'shpeshqadamlik qilishmoqda.

Qiziq tomoni Kuman 67 ta golning 46 tasini 11-metrlik jarima to'pidan kiritgan bo'lsa, Ramos esa atigi 11 ta golni aynan shunday vaziyatda raqib darvozasiga aniq yo'llagan.