Azar va Asensio “Eybar”ga qarshi o'ynay oladimi?

“Real” ustozi Zinedin Zidan Eden Azar va Marko Asensioning Ispaniya chempionati 28-turi doirasida “Eybar”ga qarshi bahsda qatnashishga tayyorligini bildirdi.

Azar fevralda to'pig'idan jarohat olib, mavsumda ikkinchi bor lazaretga yo'l olishga majbur bo'lgandi. Belgiyalik deyarli mavsumni o'tkazib yuborishi kutilgandi, ammo koronavirus pandemiyasi vingerning restartga qadar tiklanishiga imkon berdi. Asensio esa o'tgan yilning yozida tizzasidan og'ir jarohat oldi va bu mavsum maydonda tushmadi.

Eslatib o'tamiz, “Real” – “Eybar” bellashuvi 14 iyun kuni “Alfredo di Stefano” o'yingohida bo'lib o'tadi.