Kurtua nima sababdan "Xoffenxaym"ga o'tmagani malum bo'ldi

"Xoffenxaym"ning sobiq bosh skauti Lutc Pfannenshtil "Genk"ning sobiq posboni, ayni damda "Real" darvozasini qo'riqlayotgan Tibo Kurtua 10 yil oldin nemis klubiga o'tmagani haqida gapirdi.

"2010 yilda Kurtuani olib kelishni rejalashtirgandik. Qiziqishlar bo'ldi, gaplashdik, transfer amalga oshishga yaqin edi.

Lekin uning ota-onasi posbon avvaliga maktabini bitirishi kerakligini istashdi. Biroq yigitchaning u erda ko'plab muammolari borligi sababli yana bir yil maktabda qolishi mumkin edi. SHu sababli transfer amalga oshmadi", - dedi Pfannenshtil "DAZN Germany" nashriga.