“Real” va “Barsa” sobiq azosi: “Ronaldu hamda Maradona juda yaxshi o'yinchilar, ammo Messi eng zo'ri”

“Kayserispor” ustozi Robert Prosinechki tarixdagi eng yaxshi futbolchi kim ekanligi haqda fikr bildirdi.

Prosinechki “Real” hamda “Barselona”da o'ynagan kam sonli o'yinchilardan biri hisoblanadi.

“Men uchun Messi tarixdagi eng yaxshisi. U ko'p yillardan beri “Barselona”ning yuqori mavqeini saqlab kelmoqda. U yutish mumkin bo'lgan barcha narsani qo'lga kiritdi, ko'plab gollar urdi, ko'plab paslarni berdi, yana u qanchalik foyda olib kelishi haqida gapirmadim. Kimdir Maradonani eng yaxshi deydi, kimdir esa Ronalduni – ular juda ajoyib futbolchilar, lekin men uchun Messi eng zo'ri”, deya so'zlarini yakunlagan xorvatiyalik mutaxassis.