Beyl "Nyukasl"ning taklifiga qiziqmaydi. APL klubi unga "Real" darajasida maosh to'lamoqchi

Madridning "Real" klubi hujumchisi Garet Beyl "Nyukasl"ga o'tishni istamayapti, deb xabar qildi AFP.

Avvalroq ingliz klubi yangi investorlar qo'liga o'tgach Garet Beyl xarid qilinishi haqida yangiliklar tarqalgandi. OAVdagi xabarlarga ko'ra, "Nyukasl" uelslik futbolchi uchun "Real"ga 60 million evro, futbolchining o'ziga esa Madrid klubi darajasiga maosh to'lashga tayyor.

Beyl joriy mavsum "Real" tarkibida 18 o'yin o'tkazdi va o'z hisobiga 3 gol, 2ta samarali uzatmani yozdirib qo'ydi. Uning "Qirollik klubi" bilan amaldagi shartnomasi 2022 yilning iyul oyiga qadar mo'ljallangan.