"Liverpul" Mane bilan shartnomani uzaytirmoqchi

"Liverpul" hujumchisi Sadio Mane klub bilan shartnomasini uzaytirishi mumkin.

Senegallik futbolchining amaldagi shartnomasi 2023 yilga qadar davom etadi. Biroq "Real"dan bo'layotgan qiziqishlar sababli Mersisayd klubi futbolchi bilan shartnomani uzaytirish payiga tushib qoldi.

Mane 2016 yilning yozida "Sautgempton"dan "Liverpul"ga o'tgandi. SHu davr mobaynida u 161 o'yinda 77 gol va 34 assist qayd etdi. O'tgan mavsumda u "Oltin to'p"ga ovoz berishda 4-o'rinni egalladi.