Klopp “Real” hujumchisining o'yinini kuzatish uchun Braziliyaga borgan

Madridliklar azosi Rodrigo Goesning agenti Nik Arkuri mijoziga “Liverpul” tomonidan qiziqish bo'lganini oshkor qildi.

“16 yoshli Rodrigo “Santos” bilan ilk professional shartnomasini imzolayotgan vaqtida, “Liverpul” direktori menga qo'ng'iroq qilib, Klopp bu o'yinchini oldindan bilishini aytdi. Uni o'rgandi va o'yinlarini ko'rish uchun shaxsan o'zi uchib keldi.

U Braziliyadagi istedodlarni tomosha qilish uchun YouTube'ga kirgan. U erda esa Klopp Rodrigoni ko'rgan, u o'sha payt juda yosh edi. SHundan so'ng, Yurgen Braziliyaga keldi va hujumchi unga juda ham maqul kelgandi”, deya agentning so'zlarini keltiradi Goal.