Yuklab olish"Real" klubi koronavirus pandemiyasi tufayli moliyaviy inqiroz yuzaga kelganiga qaramay, yozda yirik transferlarga qo'l urmoqchi.
"Marca" nashri tarqatgan xabarga ko'ra, "Yuventus" himoyachisi Matteys De Ligt, "Manchester Yunayed" yarim himoyachisi Pol Pogba va "Borussiya Dortmund" hujumchisi Erling Xoland yozgi transfer paytida "Qirollik klubi" safiga o'tishi mumkin.
De Ligt "Yuventus"dagi holatidan to'la qoniqish hosil qilmayapti va boshqa jamoalardan tushadigan taklifni ko'rib chiqishga tayyor.
Pogba esa ancha vaqtdan beri "Real"ga o'tish niyati borligini yashirmayapti. Boz ustiga, frantsiyalik futbolchining "MYu" bilan shartnomasi 2021 yilning yozida yakuniga etadi.
Eng asosiy maqsad – Xolandning transferi jamoaning hujum chizig'idagi muammoni uzoq vaqtga yopadi.
Ushbu 3 futbolchining agenti Mino Rayola hisoblanadi. "Qirollik klubi" mazkur agent bilan munosabatlarni yaxshilashga harakat qilmoqda.
Eslatib o'tamiz, hozirda "qaymoqranglilar" safida Rayolaning bir mijozi — darvozabon Alfons Areola ijara asosida o'ynamoqda.
Online
Bosh sahifaga