Pike endilikda Iker Kasilyas bilan so'z o'yinini boshladi

"Portu" darvozaboni va "Real Madrid" afsonasi Iker Kasilyas"Barselona" himoyachisi Jerard Pike bilan twitterda so'z o'yinini boshladi.

Pike Uimbldon turniri yakuniga yetganidan so'ng turnir go'libi Rodjer Federerni qo'llab - quvvatlab (Rodjer Federer Marin Chilichni 3 setda 6:3, 6:1, 6:4 yutdi) twitterda shunday dedi: "Leo Messi, Maykl Jordan, Rodjer Federer - men ko'rgan eng mashhur sportchilar." - deya shvetsariyalik tennischini qo'llab quvvatlab yozadi.

Kasilyas esa bunga javoban: "Qo'shimcha qilib Kobe Brayant, Krishtianu Ronaldu, Rafael Nadal, Tayger Vuds, Mixael Shumaxer, Maykl Fellps, Valentina Rossi, Serena Uilyams...."

Eslatib o'tamiz, Rafael Nadal "Real Madrid"ning faxriy a'zosi hisoblanadi. Nadal "Ulkan toj" turkumidagi turnirlarda 15 marta zafar quchgan, 35 yoshli Rodjer Federer esa 19 marta.

Ma'lumot uchun, avvalo Pike va Iker Kasilyas "tomoshasi" oldinroq boshlangan edi. Avvalroq, Pike Kasilyasning yuqoridagi sur'atini twitterga joylab: "Basharangni ko'rmaslik naqadar yoqimli." - deb xazilomus tarzda fikr bildirgan edi.