Karim Benzema: "Yozadigan bo'lishsa, oxirgacha yozishsin"

Benzema "Formula-1" va karting haqidagi fikrlariga aniqlik kiritdi.

"Real" hujumchisi Karim Benzema "CHelsi"dagi hamyurti Olive Jiru borasidagi fikrlariga yana to'xtaldi.

Avvalroq Benzema o'zini Jiru bilan solishtirmaslikni so'ragan va shunday degandi: "Keling, "Formula-1"ni karting bilan solishtirmaylik".

"Men shunchaki haqiqatni ochiq aytdim. Ammo hech kim Jiruning Franciya termasi muvaffaqiyatlariga qo'shgan hissasi haqidagi so'zlarimga etibor berishni istamadi. Yozadigan bo'lishsa, oxirgacha yozishsin. Ha, o'zimni "Formula-1", uni esa karting" deganim rost, chunki bu haqiqat. Men shunday deb hisoblayman.

Agar siz meni braziliyalik Ronaldo bilan solishtirishni so'rasangiz: u "Formula-1", men esa karting bo'laman. SHu holos", – dedi Benzema.