Yuklab olish"Manchester Siti" yarim himoyachisi Ilkan Gyundogan o'zining Manchesterdagi uyida "Marca" nashriga intervyu berdi. Futbolchi ko'p savollarga javob berdi. Suhbat davomida u «Real» bosh murabbiyi Zayniddin Zidan haqida ham gapirdi.
«Ham futbolchi, ham murabbiy Zidan haqida ko'p gapirish mumkin. Men uchun ZiZu — futbol tarixidagi eng yaxshi o'yinchilardan biri. Buni u «Yuventus», «Real» va Frantsiya terma jamoasi safida isbotlagan. U hamisha zo'r o'ynagan».
«Men Zidanni yoshlikdan kuzatganman. U to'p bilan ishlaganda, hamma shok holatiga tushardi. O'ylashimcha, uni biladigan barcha o'yinchilar shunday fikrda. Albatta, u murabbiylikdan ham aql bovar qilmas yutuqlarga erishdi».
«Agar Zidan kabi inson sizga maydonda nima qilish kerakligini aytsa, siz borasiz va buni bajarasiz. Uning o'tmishini bila turib, nima uchun unga shunchaki ishonmaslik kerak? Men hech qachon Zidan bilan gaplashish uchun imkoniyatga ega bo'lmaganman. Ammo men uni hurmat qilaman» — dedi Gyundogan.
Online
Bosh sahifaga