Varan Mbappening "Real"ga o'tishiga ishora qildi

Markaziy himoyachi terma jamoadagi sherigi faoliyatini Madrid grandida davom ettirishi mumkinligini inkor qilmadi.

Franciyaning "Le Figaro" nashri xabariga ko'ra, "Real" himoyachisi Rafael Varan PSJ forvardi Kilian Mbappe haqidagi savolga quyidagicha javob qaytargan:

"U ayni mavsumni Parijda yakunlaydi, ammo kelasi yil nima bo'lishini hech kim bilmaydi. Men unga "Real" haqida ajoyib fikrlarimni etkazdim, bularni Kilianning o'zi ham biladi".

Avvalroq matbuotda "qaymoqranglilar" rahbariyati Parij klubi bilan franciyalik hujumchini 255 million evro evaziga sotib olishga kelishib olgani haqidagi xabarlar tarqalgan edi.