Messi La Ligada penaltidan 55-golini kiritdi

La Liga 27-turi doirasida “Barselona” o'z uyida “Real Sosedad”ni (1:0) qabul qilib, Lionel Messining penaltidan kiritgan goli evaziga g'alaba qozondi.

Bu 32 yoshli argentinalik futbolchining Ispaniya chempionatlaridagi penaltidan kiritgan 55-goli sifatida qayd etildi. 

Opta xabariga ko'ra. Messi ushbu ko'rsatikich borasida La Liga tarixidagi penaltidan eng ko'p gol kiritgan futbolchilar orasida uchinchi pog'onada bormoqda.

Messidan yuqori o'rinda Ugo Sanches (56 gol) bormoqda. U “Atletiko”, “Real” va “Real Sosedad” jamoalari safida 1981-1994 yillarda to'p tepib, ushbu natijaga erishgan.

La Ligada penaltidan gol urish bo'yicha yaqqol peshqadam “Real”ning sobiq forvardi Krishtianu Ronaldu bo'lib turibdi. Portugaliyalik futbolchi 61 marta 11-metrlik nuqtadan raqiblari darvozasini aniq nishonga olgan.