"Real" Varan bilan hamkorlikni davom ettirmoqchi

Himoyachi Rafael Varan Madridning "Real" klubi bilan amaldagi mehnat shartnomasini uzaytirishi mumkin.

Italiyalik jurnalist Nikolo Skiraning xabar qilishicha, tomonlar allaqachon yangi kelishuv borasida muzokaralarni boshlab yuborishgan. "Qirollik klubi" rahbariyati franciyalik futbolchiga 2025 yilning yoziga qadar mo'ljallangan bitim taklif qilmoqchi.

Eslatib o'tamiz, 26 yoshli Rafael Varan "Real" tarkibiga 2011 yilda Franciyaning "Lans" klubidan kelib qo'shilgandi. Uning "qaymoqranglilar" bilan amaldagi shartnomasi 2021/22 yilgi mavsum yakuniga qadar mo'ljallangan.