Ramos: “Barselona”ning uslubini hurmat qilaman, biroq bizning uslub boshqa”

“Real” sardori Pikening gaplariga javob qaytardi.

“Har kimning fikrini hurmat qilaman. Men hamma “Klasiko”larni yutish uchun shartnoma imzolaganman. Buning uchun Pike aytganidek, birinchi bo'limni shunday yomon o'tkazishga tayyorman. Bu bizning qaror edi — raqibga birinchi bo'limda to'pni topshirdik. Ikkinchi bo'limda esa pressing qilishga o'tdik. Ular charchab qoldi, bizda esa vaziyatlar paydo bo'ldi. Bu men ko'rgan eng kuchsiz “Barselona”mi? Ularning o'z uslubi bor — to'pga egalik qilsih. Jamoaning falsafasini hurmat qilaman, biroq bizning uslub boshqa. U zo'r ham, yomon ham emas. SHunchaki boshqacha”, — deydi Serxio Ramos.