"Manchester Yunayted" "Real" futbolchisini kuzatish uchun o'z skautlarini yubordi

"Manchester Yunayted" "Real" yarim himoyachisi Martin Edegorni xarid qilish imkoniyatlarini o'rganmoqda.

21 yoshli norvegiyalik o'yinchisi hozirgi paytda ijara asosida "Real Sosedad"da o'ynamoqda va uning o'yini Madrid klubi rahbariyatida ijobiy taassurot qoldirmoqda.

MYUning bosh skauti Marsel But Edegorning o'yinlarini shaxsan tahlil qilish uchun Ispaniya chempionati doirasidagi "Sosedad" va "Valensiya" jamoalari o'rtasidagi o'yinga tashrif buyurgan.

Eslatib o'tamiz, Edegorning "Real" bilan tuzgan shartnomasida uning tovon puli 300 million evro etib ko'rsatilgan.