Zidan Ashrafni "Real"ga qaytarmoqchi

AS xabariga ko'ra, ijara asosida Dortmundning "Borussiya" klubi sharafini himoya qilayotgan "Real" futbolchisi Ashraf Hakimi Madridga qaytishga yaqin.

"Qirollik klubi" bosh murabbiyi Zinedin Zidan jamoa rahbariyatidan 21 yoshli marokashlik futbolchini boshqa klubga qo'yib yubormaslikni so'ragan. CHunki franciyalik mutaxassis himoyachini jamoaning asosiy futbolchilaridan biriga aylantirmoqchi.

Takidlash lozimki, futbolchi "Borussiya"ga 2018 yilda ijaraga berilgandi. Ayni kunlarda nemis klubi ham Hakimini xarid qilish haqida o'ylamoqda.