Marselo 29 yoshga to'ldi.

Bugun "Real Madrid" chap qanot himoyachisi Marselo o'zinig 29-tug'ilgan kunini nishonlamoqda.

Futbolchi 1988-yil 12-mayida Rio-de Janeyroda dunyoga kelgan. Braziliyalik "qaymoqranglilar" safida allaqachon 11-mavsumini o'tkazmoqda, jamoani vitse-sardori hisoblanadi va yaqinda "Qirollik" klubi safida o'yinlarda ishtirok etish bo'yicha 400 talik natijaga erishdi. Bundan tashqari, Marselo "Real Madrid" tarixida chet ellik o'yinchilar orasida o'yin o'tkazish bo'yicha 2-o'rinni egallab turibdi. Bu ko'rsatkich bilan u Alfredo Di Stefanoni ortda qoldirdi va faqat vatandoshi bo'lgan Roberto Karlosdan ortda qolmoqda.

Marselo "blankos" o'yinchisi sifatida debyutini 2007-yil 7-yanvarda "Riasor" stadionida "Deportivo"ga qarshi o'yinda maydonga tushgan holda o'tkazgan. Himoyachi 9 yil ichida 28 ta gol urishga erishdi va shu vaqt mobaynida 2 marta Chempionlar Ligasi, 2 marta Klublar o'rtasidagi Jahon Chempionati, 2 marta Yevropa Superkubogi, 3 marta La Liga, 2 marta Qirol kubogi va 2 marta Ispaniya superkubogini boshi uzra ko'targan.