Zidan Yovich haqida: "U - "Real" kelajagi"

"Real" bosh murabbiyi Zinedin Zidan Ispaniya Superkubogi yarim finali doirasidagi "Valensiya"ga qarshi bahs oldidan jamoa forvardi Luka Yovichni qo'llab-quvvatladi.

"Yo'qotishlarga qaramay o'zimizni yaxshi his qilayapmiz. Tarkibimiz katta va qolgan futbolchilar maydonga tushishga tayyor.Yovich - bu aniq tanlov. Bu kelajak. U xotirjamlikni saqlab qolishi zarur, hozir Luka o'rganmoqda. U ko'p narsa o'rganishni xohlaydigan yigit.U juda yaxshi. Yovich kelajakda juda ko'p gol uradi. Biz unga ishonch bildirayapmiz", - dedi Zidan.

Oldinroq, hujumchi Karim Benzema va vinger Garet Beyl jarohat sabab "Valensiya" bilan o'yinni o'tkazib yuborishi xabar qilingandi.Yovich o'tgan yozda "Real"ga "Ayntraxt F"dan o'tgan edi. Forvard LaLigada madridliklar uchun 12ta o'yin o'tkazdi va bitta gol urdi.