«Xetafe» - «Real». Zidan kengaytirilgan tarkibni e'lon qildi

Ikki haftalik tanaffusdan keyin Ispaniya chempionatida bugun ikkinchi davra o'yinlari boshlanadi.

Yuklab olish

Ikki haftalik tanaffusdan keyin Ispaniya chempionatida bugun ikkinchi davra o'yinlari boshlanadi. Ertaga esa "Real" safarda "Xetafe"ga qarshi bahs olib boradi.

"Qirollik klubi" bosh murabbiyi Zayniddin Zidan ushbu o'yin uchun 19 nafar futbolchini qaydnomaga kiritdi.

Kutilganidek, Eden Azar ertangi uchrashuvni hamda, murabbiyning ta'kidlashicha, Ispaniya superkubogining yarim finalini ham o'tkazib yuboradi. Lukas Vaskes, Xames Rodriges va Marselo jarohatdan forig' bo'lgan bo'lsalarda, ehtiyot yuzasidan Zidan ularni tarkibga kiritmadi. Shuningdek, jamoani tark etishi kutilayotgan Mariano va Braim Diaslar ham ro'yxatdan chetda qolishdi.

«Real»ning «Xetafe»ga qarshi o'yin uchun kengaytirilgan tarkibi:

Darvozabonlar: Tibo Kurtua, Areola Alfons, Diego Altube;

Himoyachilar: Daniel Karvaxal, Eder Militao, Rafael Varan, Nacho, Odriosola, Mendi;

Yarim himoyachilar: Toni Kroos, Luka Modrich, Kazemiro, Federiko Valverde, Isko;

Hujumchilar: Karim Benzema, Garet Beyl, Luka Yovich, Vinisius Junior, Rodrigo