Vinicius "Real"dan ketmoqchi

Futbolchi klub bosh murabbiyidan norozi.

Xabarlarga ko'ra, “Real“ vingeri Vinicius Junior klubni tark etishni rejalashtirmoqda. 19 yoshli braziliyalik klubda deyarli maydonga tushmayotganidan hafsalasi pir bo'lgan va klub bosh murabbiyi Zinedin Zidandan ham norozi. Vinicius Ispaniya chempionatida o'rtacha 53 daqiqa o'ynamoqda.

Eslatib o'tamiz, braziliyalikka “Roma“, “Tottenxem“, “Vulverxempton“, PSJ, “Manchester Yunayted“, “CHelsi“ va “Arsenal“ davogar.

Joriy mavsumda Vinicius La Liganing 11ta o'yinida 1ta gol kiritib, 1ta golga assistentlik qildi.