"Real" Donni van de Bekni xarid qilmoqchi

Madridning "Real" klubi kelasi yozda Gollandiya terma jamoasi va "Ayaks" futbolchisi Donni van de Bekni xarid qilmoqchi.

Xabarlarga qaraganda, "qirollik klubi" futbolchi uchun amsterdamliklarga 55 million evro taklif qilishga tayyor.

22 yoshli futbolchiga Londonning "Tottenxem" klubi ham qiziqmoqda, ammo o'yinchining o'zi aynan "Real"ga o'tishni xohlamoqda.

Oldinroq, van de Bek qishda "Ayaks"dan ketmasligi, unga davogarlar esa yozgacha kutishlari kerakligi aytilgan edi.