“Real” muxlislari Beylni hushtakbozlik bilan qarshi olishdi

La Liganing 14-turida “Real” o'z maydonida “Real Sosedad”ni (3:1) qabul qilib, navbatdagi g'alabasini nishonladi.

Qirollik klubi yarim himoyachisi Garet Beyl 67-daqiqada zaxiradan maydonga tushirildi. Bu uning oxirgi bir yarim oyda jamoasi tarkibida o'tkazgan ilk uchrashuvi bo'ldi.

“Santyago Bernabeu”da yig'ilgan muxlislar Beylnining maydonga qaytishini hushtakbozlik bilan qarshi olishdi. To'p har safar futbolchiga kelib tushishi bilan stadiondagi muxlislar hushtakbozlikni yanada avj oldirishdi.

Beyl joriy mavsumda jamoasining 3-uchrashuvida ishtirok etdi. “Real”ning uchinchi golida so'ng Kazimeyro Beyl oldiga yugurib borib, golni u bilan birga nishonlab, Beyl va jamodoshlari orasida hech qanday muammolar yo'qligini isbotlashga harakat qildi. Ammo muxlislar to'p Beylga tushishi bilan unga nisbatan “bosim” o'tkazishga urinishdan to'xtashmadi.