"Real" sobiq futbolchisi A Seriyaning bu yilgi mavsumini "Inter" yutishini aytdi

Taniqli italiyalik sobiq futbolchi Antonio Kassano "Inter" Italiya chempionligini qo'la kiritadi deb hisoblamoqda.

Uning nazarida, Antonio Konte boshchiligidagi milanliklar bu yil "Yuventus"ning gegemonligiga barham berishadi.

"Inter" bu yil chempionlikni qo'lga kiritadi. SHuningdek, do'stim Montella boshqarayotgan "Fiorentina" ham kutilmagan sovg'alarni taqdim etadi deb taxmin qilyapman.

"Inter" CHLda bemalol keyingi bosqichga o'tadi. Jamoa "Borussiya"dan ko'ra kuchliroqdir", - deydi Kassano.

Eslatib o'tamiz, Kassano faoliyati davomida "Bari", "Roma", "Real", "Sampdoriya", "Milan", "Inter", "Parma" va "Verona" klublarida o'ynagan.