"Real" braziliyalik xavbek bilan shartnomani bekor qildi

Real klub yarim himoyachisi Lukas Silva bilan shartnomani bekor qildi.

AS'ning bergan malumotiga ko'ra, bu ikkala tomonning kelishuvi asosida amalga oshgan. 

26 yoshli xavbek 2015 yili «Kruzeyro»dan 13 mln. evro evaziga «qirollik klubi»ga transfer qilingandi. Asosiy jamoada 9ta o'yin o'tkazganidan keyin Silva «Marsel» (2015-2016) hamda «Kruzeyro»da (2017-2019) ijara asosida faoliyat olib bordi. 

2016 yilda u yuragida muammolar borligi bois futbol bilan hayrlashishi haqida elon qildi. Biroq, ushbu murojaatining ertasi kuni Lukas barchasi joyida ekanligini aytib,  faoliyatini davom ettirdi.