Yuklab olish«Real» bosh murabbiyi Zayniddin Zidan jamoaning «Manchester Yunayted» yarim himoyachisi Pol Pogbaga qiziqayotgani haqida xabarlarga izoh berib o'tdi.
«Men Pogba o'yinchi ekanini aytgandim. Xuddi shunday fikrni yana boshqa futbolchilar haqida ham bildirishim mumkin. Men uni taniyman. Bor-yo'g'i shu. Pol yaxshi o'yinchi, ammo u «Manchester Yunayted» futbolchisi hisoblanadi. Qaysi futbolchilar kelishiyu, qaysi o'yinchilar ketishini mavsum so'ngida bilib olamiz. Lekin men hech qachon Pogbani sotib olmoqchi bo'layotganimiz haqida gapirmaganman», – dedi Zidan.
Avvalroq «MYu» Pogbaning transferini 186 million evroga baholagani haqida xabar tarqatilgandi. Shuningdek, «Real» frantsiyalik futbolchini qo'lga kirita olmasa, «Ayaks» yarim himoyachisi Donni van de Beek bilan muzokara boshlashi haqida aytilgandi.
Online
Bosh sahifaga