Nahotki? Mourino «Real» bilan muzokara olib bormoqda

Mavsum yakunlanganidan keyin Joze Mourino «Real»ni boshqarishi mumkin.

Mavsum yakunlanganidan keyin Joze Mourino «Real»ni boshqarishi mumkin. Bu haqda "Qirollik klubi" sobiq prezidenti Ramon Kalderon xabar tarqatdi.

«Katta ehtimol bilan Mourino kelasi mavsumda «Real»ni boshqaradi. Hozirda muzokaralar davom etmoqda», – deya yozdi Kalderon o'zining tvitterdagi sahifasida.

«Real» ushbu mavsumda La liga jadvalida "Barselona"dan 9 ochko ortda qolgan holda 3-o'rinda bormoqda. "Qaymoqranglilar" Ispaniya kubogi yarim finalida azaliy raqibiga imkoniyatni boy berib, musobaqani tark etdi.

Mourino 2011-2013 yillarda «Real» bosh murabbiyi sifatida ishlab, Primera, Ispaniya kubogi va Ispaniya superkubogida bir martadan g'olib chiqqan. Portugaliyalik mutaxassisning so'nggi ish joyi «Manchester Yunayted» bo'ldi. U mankunianliklar boshqaruvida 2018 yilning 19 dekabr kuni iste'foga chiqarildi.