Klublar o'rtasidagi JChdagi g'oliblik uchun «Real» futbolchilariga mukofot puli berildi

"Real" klublar o'rtasidagi jahon chempionatini qo'lga kiritib, qishki ta'tilga yo'l oldi.

Yuklab olish

"Real" klublar o'rtasidagi jahon chempionatini qo'lga kiritib, qishki ta'tilga yo'l oldi. Mazkur yutuq uchun jamoaning har bir a'zosiga 100.000 evro miqdorida mukofot puli berildi.

"Qirollik klubi"ning o'zi esa musobaqadagi g'oliblik uchun FIFAdan 4,2 million evro miqdorida mukofot puli oldi.

«Kashima Antlers» va «Al-Ayn»ga qarshi o'yinlarda madridliklarning 16 nafar futbolchisi ishtirok etishdi: Kurtua, Karvaxal, Ramos, Varan, Marselo, Lorente, Modrich, Kroos, Vaskes, Benzema, Beyl, Asensio, Kazemiro, Sebalos, Isko va Vinisius.

Keylor Navas, Kiko Kasilya, Alvaro Odriosola, Xesus Valexo, Serxio Regilon va Fede Valverde ham jamoa bilan birga BAAga borishdi, ammo ular maydonga tushishmadi.

"Real" futbolchilari 2018 yilda Evropa chempionlar ligasidagi g'oliblik uchun 300.000 evrodan mukofot olgan bo'lsalar, 2017 yilda EChL va La ligadagi g'oliblik uchun har bir futbolchiga 1,5 mln evro berilgandi.