Ronaldu: Men futbol tarixidagi eng kuchli futbolchiman

Portugaliyalik futbolchi Krishtianu Ronaldu kecha beshinchi bor "Oltin to'p"ni qo'lga kiritar ekan, o'zini futbol tarixidagi eng yaxshi futbolchi deb atadi.

"Eng ko'p eshitayotgan so'zlarim - "tabriklayman". Bu iqtibos mening mehnatim evaziga kelayotgan tabriklar. Men futbol tarixidagi eng kuchli futbolchiman. Mendan yaxshiroq o'yinchilarni bilmayman, hech kim men qilgan ishlarni qila olmaydi. Men esa boshqalarning qilgan ishlarini qila olaman. Mendan yaxshiroq futbolchi yo'q, albatta o'zimdan tashqari va men shuni aytib o'taman, men futbol tarixining yaxshi va yomon kunlaridagi eng kuchli futbolchisiman", - deydi futbolchi Football Espana nashriga bergan intervyusida.